2014 FAVORITES: EYE PRODUCTS || مفضلات 2014: منتجات العيون

السلام عليكم 

اليوم نكمل سلسلة المفضلات

حتكلم اليوم عن منتجات العين اللي حبيتها في سنة ٢٠١٤

(من اليمين لليسار)

Too Faced Chocolate Bar Palette:

جربتت باليتات كثير في ٢٠١٤ بس ما شفت باليت فيه كل لون احتاجه قد هذا

فيه ١٦ لون ما بين شمر و مات و الوانه متنوعة و صبغتها قوية و ناعمة

اميل للألوان الدافية أكثر من الباردة و هذا اللي حببني فيه

اخذه معايا في كل السفرات و ما احتاج باليت ثاني 

 استخدمته كل ما احط اي شادو تقريبا

تقدري تسوي فيه لوك يومي او حق سهرات و مختلف عن نيكد ١ و ٢ جدا

Inglot Gel Liner #77:

احسن ايلاينر جل قد استخدمته في حياتي

لونه اسود فاحم و ثابت ما يروح ولا يسيح طول اليوم

عيبه الوحيد لو غلطتي في الرسم صعب ينمسح

Mac Pro Longwear Paint Pot in Layin' Low:

اي شادو كريمي لونه بيج غامق نفس لون جفني ينشف و يسير باودر 

استخدمه كبرايمر للعين

يخلي الايشادوز تبان اقوى و زي لونها اللي في العلبة

Benefit They're Real Mascara:

يميزها عن باقي المسكرات انها تعطي طول خيالي بدون ما تتكتل و يصير شكل الرموش سبايدر

و هذا صعب الاقيه في ماسكرات ثانية

 ما تعطي تكثيف بس ثابتة و ما تسيح مع انها مو ووتربروف

 للتكثيف احب حق سان لوران و دولتشي اند جابانا و كمان فلورمار

Urban Decay 24 Glide on Eye Pencil in Perversion:

مو مرة انا مع الكحل الاسود بس احب استخدمه لما اسوي سمدج فوق عيني 

ميزته انه كريمي و سواده فاحم بس ينشف و ما يحوس الدنيا 

ثابت مرة حتى جوا العين و على خط الرموش

انا لو حطيت اي كحل جوا عيني لازم يسيح مهما كان ماركته بس هذا ما ساح ولا راح