My Summer Beauty Favorites || مفضلاتي لميك اب الصيف

السلام عليكم 

بوست اليوم حتكلم فيه عن اهم منتجات الميك اب اللي حبيتها لشهر الصيف

يهمني في الصيف انه الميك اب يطلع فريش و صحي و اعتمد على لووك ميك اب مرة مرتاحة عليه

ايشادوز مطفية و سوفت ايلاينر مع بشرة دووي و صحية ، ابعد عن الكونتور مرة و ابدله ببرونزر 
و للشفايف احب استخدم قلوسات او ارواج كريمية خفيفة
هذا اللوك ينفع كمان للسفر و جدا سهل و سريع

خليني اقلكم على اهم المنتجات اللي ميتة عليها الفترة الأخيرة

Face Base || اساسيات الوجه 

Make Up Forever Radiant Primer in Yellow

احب استخدم برايمر خفيف للصيف بشرتي حاليا مختلطة الى عادية

فما احتاج شي ينشفلي الدهون بشكل كبير

البرايمر هذا يعطيني ترطيب خفيف و نظارة و يساعد في انه الميك اب يقعد اكثر 

ما استغني عنه صراحة

Make Up Forever Ultra HD Foundation

من احلى الفاونديشنز اللي جربتها

 تغطيته خفيفة/متوسطة لكن تقدري تتحكمي فيها على كيفك

انصحكم فيه لو ما عندكم مشاكل في بشرتكم كثير

و حتكلم عنه اكثر في ريڤيو مفصل قريب

Urban Decay De Slick Makeup Setting Spray

بعد ما اخلص كل الميك اب احب ابخ بخاخ يثبتلي الميك اب 

و بما اني ما حطيت برايمر يتحكملي في الدهون

برايمر اربان ديكي يثبتلي الميك اب وكمان يتحكم في الدهون لفترة طويلة

هذا النوع يناسب البشرات المختلطة/الدهنية 

اما اذا بشرتك عادية انصحك بالنوع اللي غطاه بنفسجي 

Bronzer, blush, and Illuminator! || البرونز و البلشر 

Benefit Sun Beam

هايلاتر سائل من بينفت لونه برونزي  

لمعته ذهبية هادية فجدا مناسب لكل يوم

 و مرة يعجبني كيف يبان طبيعي و يعطيني قلوو كانه بشرتي اللي كذا 

بعض المرات اخلطه مع الفاونديشن يعطيني دووي لووك 

(و اغلب الاحيان احطه على المناطق البارزة في الوجه (عظمة الخد، منتصف الانف، الذقن

Nars Bronzer in Casino

الفترة هذه مرة عاجبني برونزر كازينو من نارس 

لونه بني متوسط دافي و فيه لمعة ذهبية مرة حلوة 

يدفي وجهي و في نفس الوقت يعطيه لمعة حلوة 

Nars Blush in Gilda

هذا البلش مرة احبه مع اي لووك لونه خوخي مطفي

و مرة صبغته عالية فانتبهو و انتو تحطو منه

يناسب البشرات الحنطية و السمرا اكثر شي

بلشرات نارس من احسن البلشرات في السوق من ناحية اللون و الثبات

Highlighting || اضاءة الوجه 

Anastasia Beverly Hills Glow Kit in That Glow

ما أقدر اوصفلكم قد ايش احلى شي عندي في الميك اب هوا الهايلاترز

الفترة الأخيرة ما استخدم الا هذه القلو كت من انستازيا بيفرلي هيلز

ملمسها زبدة و لمعتها مرة مرة ناعمة ابدا مافيها جزيئات قلتر زي هايلاترز ماك

بس في نفس الوقت صبغتها قوية و تندمج مع بشرتك بشكل مرة جميل 

تعطيك قلو مرة حلو و صراحة كل الألوان اللي فيها بيرفكت 

كلها جاية على الذهبي و البرونزي و هذه اكثر الوان تناسب البشرات العربية

 ما اوصفلكم قد ايش حابتها خصوصا الاثنين اللي تحت لعظمة الخد و الانف و الذقن لمعتهم تموت

!و البرونزي اللي فوق لو حطيته فوق البرونزر المات حقك بشكل مرة خفيف يطلع يجنن

Eyes || العيون 

The Balm Meet Matte Trimony Palette

باليت ميت مات الجديد من ذا بالم 

لما طلبته مرة كنت متحمسة عليه لانه الوانه مرة مرة حلوة و مطفية

و مو دايما نلاقي عودي و عنابي في باليت جاهز

فيه ٩ شادوهات متنوعة و فيه لون اسود و لونين انتقالين

لكن صراحة ما عجبتني تركيبته مرة ، ناشفة بزيادة و صبغتها متوسطة 

اعيد على اللون كذا مرة الين ما ترضيني النتيجة 

اول تجربة ليا مع ايشادوز ذا بالم و الصراحة مو مرة راضية عنها

لكن ما يمنع اني بستخدمها مرة كثير في الصيف عشان الوانها حلوة 

و خفيفة في السفر و عرفت اتعامل معاها 

اذا تبغو باليت ايشادوز مات ممتازة مافي احسن من كات فون دي اتكلمت عنه في ريفيو هنا

Rimmel London Exaggerate Waterproof Eye Definer in 212 Rich Brown

من بداية الصيف ادور على كحل بني ثابت وكريمي

هذا الكحل مرة عاجبني ارسم فيه خط كات اي و اموهه عشان يعطيني لووك السوفت لاينر

اللون البني الطف من الاسود خصوصا لو طالعة في النهار 

جربو تعملو ايلاينركم بني و مموه كنوع من التغيير 

Colourpop Super Shock Shadow in Weenie

زي ما قلت فوق للصيف احب لووك يكون ناعم و مطفي لكن لو حسيت اني ابغا احط شي بلمعة

يعجبني مرة هذا اللون من كولوربوب لونه روز قولد و لمعته تجنن 

احطه بس على الجفن 

 Lips || الشفايف

في الصيف صايرة احب الارواج الكريمة المريحة و القلوسات مع محدد نود او بنك

Kylie Cosmetics Gloss in Like 

قلوس كايلي مرة عاجبني الفترة الاخيرة 

اللي يميزه انه لونه ابدا مو خفيف بالعكس زي كانه روج بس بلمعة غلوس 

ريحته حلاوة و اللون اللي عندي جاي على لحمي موف مرة حلو 

ماهو مرة ستكي و مزعج على الشفايف انصحكم فيه

Mac Lipstick in Hug Me

من احلى ارواج ماك اللستر عندي 

دايما احطه منه لونه بنك نود 

صبغته خفيفة و يرطب الشفايف 

Tom Ford Lipstick in Casablanca

لوني المفضل من عند توم فورد مرة احبه

لونه بنك متوسط و تركيبته كريمية 

هذا كان كل شي لليوم

اشوفكم في بوست قريب ان شاء الله

شكرا