Brand Focus: Urban Decay || ريفيو ماركة اربن ديكي

اهلين يا جميلات 

Walahearts اليوم حتكلم عن المنتجات اللي جربتها من اربن ديكي الفكرة شفتها عند بلوقر اسمها ولاء و هذا البلوق حقها
خلينا نبدأ

 اول شي بتكلم عن الايشادو باليتس حقتهم من احسن الانواع اللي جربتها و اللون قوي و واضح حتى بدون برايمر و سعرهم كويس بالنسبة لجودتهم

Naked 1 & 3

Naked 1

من اول الباليت اللي جبتها و اكثر شي كنت استخدمه
مرة الوانها حلوة و دافية و بيرفكت فيها لونين مات و الباقي بلمعة 
طلبتها اونلاين من زمان

Naked 3

هذا ثالث اصدار لسلسلة باليت نيكد و جاي على بنك و فيه بنيات
ما استخدمه كثير زي الاول بس من اجمل الباليتس اللي عندي و احبها
جابتلي اياه صحبتي اول ما نزل

Naked Basics

باليت من سلسلة النيكد فيه ٦ الوان كلها مات ما عدا واحد 
  الوانه حلوة للاستخدام اليومي و اساسية و دايما الاقي نفسي استخدمه

فيه لون اسود و بني و بيج و لحمي و لحمي على اصفر و هايلايت بلمعة 
اكثر الوان استخدمها Foxy - Faint - Crave
اخذته من تاجرة

Smoked Palette

هذا الباليت فيه ١٠ الوان و هوا اول باليت يجي في بالي لما ابغا اسوي سموكي ايز 
 مرة حلوة الوانه و قوية و فيه بيج و بني و اسود مات للدمج

كل الوانه تنفع للسموكي زي ما انتو شايفين 
اللي تحب السموكي هذا الباليت لازم يكون عندها 
 اخذته من سيفورا ريد سي مول

Urban Decay Moondust Eyeshadow in Diamond Dog 

 ايشادو لونه بني بارد مع قلتر لؤلؤي 
اللمعة اللي فيه مرة قوية فينفع للسهرات الكبيرة احب ابخ على الفرشة فكس بلس قبل ما احطه عشان يمسك اللون كويس و  
ضروري البرايمر معاه عشان لا يطيح القلتر تحت العين

Eyeshadow Primer Potion 

برايمر للعين وظيفته يثبت الايشادو طول اليوم و يقوي اللون و يمنعه من انه يدخل في الخطوط 
احسن برايمر جربته لين دحين و انصحكم فيه و مرة يطول معاكم على فكرة يعني هذا استخدمه كثير و لسا مليان و عندي حجم اصغر للسفر 

All Nighter Makeup Setting Spray

مثبت للمكياج وظيفته يخلي المكياج ما يتحرك من وجهك و يقعد طول اليوم بدون لا يدهن 
ممتاز و انصحكم فيه بالذات للسهرات او السفر اذا طول اليوم برا عشان تضمني مكياجك ما يسيح
 فيه منه نوع مخصص للبشرة الدهنية هذا لكل انواع البشرات
اخذته من سيفورا دبي

Naked Flushed in Strip

باليت برونزر و هايلايتر و بلشر فيه منها ٤ الوان انا عندي اغمق وحدة

البرونزر مرة مرة حلوة فيه شمر خفيف بس ما يبين واضح  على الوجه يعطي دفء بس
و الهايلايتر جمييييل البلشر كمان حلو
  مرة ممتازة للسفر و حجمها مناسب و اخذتها من سيفورا باريس

24/7 Glide on Eye Pencil in Perversion
24/7 Glide on Lip Pencil in Maniac

الكحل الاسود سواده مرة مرة قوي و كريمي و ثاااااابت مرة تحت و جوا عيني
 اللب لاينر لونه بنك متوسط مرة حلو و كريمي ما ينشف بس ثباته مو قوي

هذا كان كل شي لليوم اتمنى عجبكم البوست و شكرا