Mac Eye Shadow x15 Warm Neutral and Cool Neutral Palettes Review || ريفيو ايشادوز ماك

اهلين

كيفكم؟

اليوم حسوي ريفيو عن ٢ باليتز من ماك .. من كم شهر ماك نزلو باليتين من ١٥ لون معبئة و جاهزة و سعرها ارخص من لما  تعبي ١٥ لون بنفسك 

سعر الواحدة : ١٠٠ دولار يعني تقريبا ٤٠٠ ريال 

اما سعر الباليت اللي انتي تعبيها بنفسك: ١٦٠ دولار يعني تقريبا ٦٠٠ ريال

يعني اذا انتي ناوية على باليت الوان طبيعية من ماك احسن انك تشتري وحدة من هذول لانك حتوفري فلوس و حوسة اختيار الالوان 
 الايشادوز منوعين من المات و الساتن الى الشمر و الفروست و ثباتهم كلهم عالي حتى بدون برايمر

Mac Eye Shadow x15 Warm Neutral Palette

 اول باليت عندي هوا باليت الالوان الطبيعية الدافئة

 احب هذي الالوان جدا 

 و استخدمها كثير و اذا انتي تميلي للبنيات الدافية انصحك بهذا مرة

الالوان قوية و سهلة في الدمج و معروفة جودة ايشادوز ماك انها جدا ممتازة

فيها ٤ الوان موجودة دائما في ماك و ٤ الوان رجعو نزلوها كانت ليميتد و الباقي الوان حصرية للباليت

اتمنيت يكون فيه الوان غامقة زيادة 

لكن بشكل عام مرة جميلة و عملية 

:سواتشز للالوان

Mac Eye Shadow x15 Cool Neutral Palette

ثاني باليت عندي هو باليت الالوان الباردة

ما اشوف كل الوانه باردة بعضها دافي و هذا اللي خلاني اشتريها 

عشان انا ما احب الرماديات مرة

 نفس الباليت الاول الوانه ممتازة و قوية و سهلة الدمج 

فيها ٤ الوان موجودة دائما في ماك و لون واحد رجعو نزلوه و ١٠ الوان حصرية للباليت
مرة حلوة الوانه خصوصا اول اثنين من اليمين من الصفوف الثلاثة

اللي تحب الالوان اللي مو مرة دافية ولا باردة مرة حتعجبها

:سواتشز للالوان

 :ملاحظة اخيرة 

الالوان في الباليتين جودتها مرة مرة ممتازة و ماك من اجود انواع الايشادوز معروف و مرة مبسوطة اني اخذتهم ، ما قدرت احدد اي واحد حبيته اكثر لانه كلهم حلوين مرة و سعرها ممتاز و توفيري و العيب الوحيد اللي شفته للان انه لونين من الايشادوز الفاتحين اللي فيهم شمر تطيح اللمعة تحت العين شويا و حلها  انك تستخدمي فكس بلس في الفرشة قبل اللون او شادو شيلدز 

هذا كان كل شي لليوم ان شاءالله عجبكم البوست و شكرا

Swatches from temptalia.com