Kat Von D Shade and Light Eye Contour Palette || ريڤيو باليت كونتور كات ڤون دي للعيون

السلام عليكم 

تدوينة اليوم حيكون عن باليت الايشادو من كات ڤون دي 

قبل كم شهر سويت ريڤيو عن باليت الكونتور حق الوجه من كات ڤون دي 

اللي حاب يطلّع عليه يدخل هنا
و اليوم حتكلم عن باليت الايشادو من نفس الماركة

الباليت مكون من ١٢ لون مقسمة ل ٣ أقسام كأنها باليت مصغر من ٤ ألوان

كل الألوان مطفية و صبغتها مرة قوية فيه كم لون يميل للساتين اكثر و حذكرهم في البوست

القسم اليمين هو قسم الألوان الدافية

القسم الوسط هو قسم الألوان الباردة

القسم اليسار هو قسم الألوان الطبيعية 

كل قسم فيه لون بيس و لون كونتور و لون للهايلايت و اخيرا لون غامق عشان نبرز العين أكثر

:رأيي فيها

تركيبة الآيشادو حقيقي بدون مبالغة كأنها زبدة جدا ناعمة و كريمية 

دمجها جدا سهل و اللون مرة قوي و بقمنتد

و ثباتها مرة عالي حتى بدون برايمر قعدت ٨ ساعات من غير اي مشاكل

احسها جدا ضرورية للي تدور باليت مطفي يكون فيه كل الألوان الأساسية

و تعليبها مرة مناسب للتنقل فيها مراية كبيرة و مغناطيس يقفل الباليت

:عيوبها

برأيي انه الألوان شويا تتناثر تحت العين لأنها زي ما قلت ناعمة مرة

بس ما اعتبره عيب بالنسبة ليا لأني من الناس اللي احط ميك اب الوجه بعد ما اخلص العيون

و الشي الثاني انه بعض الألوان دمجها أصعب من الباقيين

يلا نبدأ بكل قسم و الألوان الموجودة فيه

 حبدأ باللون اللي فوق و بعدين تحت من اليسار لليمين

:قسم الألوان الدافية

  Ludwin is described as a peachy bronze 

لونه برتقالي دافي ٫ بنفع كلون انتقالي

  Succubus is described as a rich rust

لونه بني نحاسي محمر

     Sytry is described as a chocolate brown

لونه بني غامق دافي

 Latinus is described as a golden bisque 

لونه بيج مصفر و فيه لمعة خفيفة بس ما تبين على العين أبدا

:قسم الألوان الباردة

Lazarus is described as a cool taupe

لونه رمادي بارد فاتح

Saleos is described as a smoky brown

لونه بني غامق طبيعي ٫ جربته لحواجبي و عجبني
Shax is described as a jet black
لونه أسود فاحم و سواده جدا عالي
Liberatus is described as a pinkish ivory
أبيض مايل بشكل بسيط للبيج


: قسم الألوان الطبيعية المحايدة 

Laetus is described as a creamy nude
لونه نود مايل للصفار
Samael is described as a dusty fawn
لونه بني متوسط
Solas is described as an espresso brown

لونه بني دافي غامق مايل للحمار
Lucius is described as a soft beige
بيج فاتح و فيه لمعة خفيفة ما تبين في العين

: Kat Von D  سواتشات من موقع

:سعرها و فين تقدرو تلاقوها

سعرها ٢٣٠ ريال تقريبا 

و متوفرة في سيفورا امريكا و الخليج ماعدا السعودية

كمان تقدرو تطلبوها من نفس موقع كات ڤون دي