السلام عليكم كيفكم؟
جزء اليوم حنتكلم عن الشعر
ماراح اتكلم عن كل شي استخدمه لانه حسوي بوست مفصل عن ايش استخدم لشعري
اليوم حنتكلم بس عن أفضل ٥ منتجات شعر جربتها في ٢٠١٤
نبدأ من اليسار لليمين
Batiste Dry Shampoo for Dark and Deep Brown Hair:
احب استخدم الشامبو الجاف مرة لانه يريحني من اني اغسل شعري بالشامبو اكثر من اللازم فينشف شعري بزيادة
الحلو في هذا الدراي شامبو بالذات انه يمتص الدهون و ما يخلي الشعر لاصق و يعطي احساس بالنظافة
المميز فيه انه في لمحة من اللون البني عشان بعض الشعور الغامقة ممكن يبين الدراي شامبو العادي اللي مافيه لون زي الأبيض على الشعر
عندي نوعين من نفس الشركة و حبيت هذا أكثر
النوع هذا اللي فيه لمحة من اللون متوفر بأربعة ألوان مختلفة عشان تناسب ألوان الشعر كلها
موجود في بووتس أنا أطلبه اونلاين او اشتريه من برا
Moroccan Oil Hair Treatment:
سيروم للشعر تركيبته ثقيلة نوعا ما مختلفة عن باقي السيرومات بس ما تثقل ولا تزيت الشعر أبدا
استخدمه بعد الشاور يعطي ترطيب مرة حلو و لمعة و حسنلي شعري مرة
الفترة الأخيرة صرت اخلطه مع سيروم من كيراستاس و حبيت الخلطة مرة حتكلم عنها في بوست روتين الشعر
فيه نوع اسمه لايت أتوقع لو خلص هذا بجرب اللايت و أقارنهم
اشتريته من موقع نوردستروم
Macadamia Natural Oil Deep Repair Masque:
ماسك للشعر ترطيبه مرة حلو و ينعم الشعر و يخلي فيه لمعة
تحطيه على كل الشعر ما عدا الجذور لمدة ٧-١٥ دقيقة و تغسليه
ريحته مرة تعجبني و أنصحكم فيه مرة حلو!
موجود في نزيه أنا اشتريته من امازون
L'oreal Professional Paeis Absolut Repaor Cellular Lactic Acid Shampoo and Conditioner:
هذا الشامبو و الكوندشنر سارلي تقريبا ٥ شهور استخدمهم
باختصار ممتازين اي بنت شعرها جاف و يحتاج ترطيب و علاج لازم يكون عندها! بالذات لو من الصبغات
يعالجو الشعر التالف و الجاف و يرجعهم لطبيعتهم
ملمسهم زي الزبدة مرة حسيت بفرق معاهم و شعري بعد ما استخدمهم يصير انعم و اطرى
من أول استخدام حسيت انه شعري بدأ يرجع لطبيعته
نصحتني فيه الكوافيرة اللي في الصالون اللي اروحله و منجد منجد خيالي
فيه أنواع كثيرة عندهم أنصحكم تجربوه و متوفر في اغلب الصوالين المعروفة
حاليا قاعدة أستخدم مجموعة ثانية من عندهم و كلهم حبيتهم صراحة
هذا كان كل شي لليوم شكرا
أحب أستعمل Batiste عشان يعطيني حجم للشعر ، و بعد مفيد للسفر في نظري .
ReplyDeleteتسلمين عزيزتي على التقرير.