السلام عليكم كيفكم؟
امس اتكلمت عن مفضلات البشرة و اليوم ثاني جزء من المفضلات حتكلم فيه عن الارواج
الارواج بالنسبة ليا من احلى الاشياء و اكثرها بالميك اب كولكشن حقي
اعشق الأرواج و المحددات بأنواعها و أعترف انه عندي إدمان
اكيد كان صعب اني اختار ٤ ارواج و محدد واحد من بين كمية الأرواج اللي عندي
بس كان سهل جدا اني أعرف ايش راح اختار
(يلا نبدأ (من اليسار إلى اليمين
Benefit Lollitint:
تنت سائل للشفايف يعطي لون بنك على بنفسجي خفيف على الشفايف او الخدود
استخدامه سهل و ثابت و يصبغ الشفايف ما يروح
احلى لون نزلته بينفت من التنت اللي عندهم
جربت اغلبهم بس مافي زي هذا اللون جميل!
MAC Velvet Teddy Matte Lipstick:
روج لحمي غامق من احلى الألوان اللي عند ماك و كل بنت لازم يكون عندها
تركيبته مو مزعجة على الشفايف ابدا بس على الشفايف تبين مطفية
احلى لون مع السموكي ايز ما يبين كانك ميته او حاطة كونسيلر على شفايفك
Nars Audacious Lipstick in Anita:
روج بنك متوسط دافي .. تركيبة ارواج نارس الجديدة من أجمل و أروع التركيبات اللي مرت عليا
ملمسها على الشفايف كريمي لكن تبين شبه مطفية و لونها مرة قوي
اللون هذا بالذات حيناسب بشرات كثير لانه مطفي و طبيعي
انصح فيه اي وحدة تبغا تجرب أرواج من نارس!
Tom Ford Lipstick in Casablanca:
روج كريمي من توم فورد لونه بنك غامق بارد
لونه مناسب لكل يوم و يبين الشفايف أملى عشانه كريمي
ما ينشف الشفايف ابدا و يغطي الخطوط و يرطب بس ما يسيح برا الشفايف
اتعب و انا اقول أرواجهم جميلة
يستحق سعره و زيادة كمان
Mac Lipliner in Soar:
محددات ميك اب فور ايفر و ماك بالنسبة ليا افضل شي في اللون و الثبات
هذا اللون جاي بنك على لحمي مرة جمييييل!
يبين طبيعي على الشفايف مرات استخدمه لحاله و مرات اعبي شفايفي فيه بعدين احط روج
و يناسب كل الأرواج اللي وريتكم هيا فوق
كل الأرواج اللي فوق كتبت عنها في انستقرام
ان شاء الله عجبكم البوست
شكرا
No comments:
Post a Comment