2014 FAVORITES: SKINCARE PRODUCTS || مفضلات 2014: منتجات العناية بالبشرة

السلام عليكم 

اليوم حبدأ سلسلة المفضلات حق السنة اللي راحت 

قسمت البوستات ل 6 اقسام كل قسم اخترت 5 اشياء عشان تصير اقصر و اسهل للقراءة

( البشرة ، الشعر ، الوجه ، الخدود ، الارواج ، العيون )

اليوم حيكون عن البشرة

 منتجات كثير جربتها في 2014 و حبيتها بس اللي اليوم حوريكم هيا مرة فادتني و حسيت بفرق معاها

مرة صعب كان الاختيار و حاولت اخليهم 5 قد ما اقدر 

Clarisonic Mia 2:
الكلاريسونك جهاز يمسح الميك اب و الاوساخ من وجهك احسن ب ٦ مرات من اليد لحالها خلال دقيقة واحدة بس 
ينظف المسام عشان لما تستخدمي اي كريم او ماسك او سيروم يصير فعال اكثر
مع الاستخدام المتكرر حتلاحظي تحسن في المناطق الجافة او الدهنية و اثار الحبوب و الحبوب
اللي يميز ميا ٢ عن ميا ١ انه لها سرعتين مو سرعة وحدة
فيه انواع كثيرة من الجهاز منها اجهزة للجسم و الوجه بس انا اخترت للوجه فقط
استخدمه مرة واحدة في الليل 
حبيته عشان منجد لاحظت انه مهما مسحت الميك اب كويس بالبيوديرما لما استخدم الجهاز لسا يطلع بقايا فاونديشن و ميك اب 
احس وجهي منجد نظيف و الرؤوس السوداء على خشمي خفت و ساعد على التخفيف من اثار الحبوب كمان
محا اتكلم عنها كثير عشان حسوي ريفيو قريب

 

Clinique Dramaticially Different Moisturising Gel:

مرطب خفيف للوجه خالي من الزيوت 

احسن مرطب للبشرة المختلطة او الدهنية! بعض الناس اذا بشرتها دهنية تهمل الترطيب بالعكس الترطيب مهم لكل انواع البشرات

استخدمه قبل الميك اب ما يدهنلي وجهي و في الصباح و الليل 

ترطيبه حلو و احلى شي انه منجد خفيف من يوم ما تمتصه البشرة ما تحسي فيه

Clinique Liquid Facial Soap (COMBINATION OILY TO OILY SKIN):

غسول للبشرة المختلطة الى الدهنية ينظف البشرة و يشيل الدهون الزايدة من التي زون بدون ما يجففها 

استخدمه مع جهاز الكلاريسونك و ناسبني

 Bioderma - Sebium Purifying Foaming Gel:

غسول للبشرة المختلطة الى الدهنية يخلي البشرة نظيفة كمان بدون ما يجففها استخدمه مع جهاز كلاروسينك و نتيجته تشبه لحق كلينيك

كلهم حبيتهم

Clinique Acne Solutions Clinical Clearing Gel:

تريتمنت جل ينحط على الحبة و اذا عندك حبوب في كل وجهك حطي طبقة خفيفة على كل الوجه 

استخدمه في الليل عشان ينشف الوجه في خلال ٣ ايام الحبة تروح تقريبا و من اول ليلة تحسي انها صغرت

ممكن تحسي بزي التقريص لما تحطيه بس هذا طبيعي 

ممتاز جدا 

هذي كانت مفضلاتي للبشرة ان شاء الله عجبكم البوست