السلام عليكم
اليوم حتكلم عن اول انطباع لي لباليت فايس ٣
طبعا ما جربتها على عيني و هذا مو ريفيو
بس اليوم حقولكم رأيي الاول فيها و اذا جربتها اكثر حسوي ريفيو مفصل
اخذتها من سيفورا جدة و اول ما شفتها ما قدرت اقاوم لاني كان نفسي فيها اول ما نزلت
بس المشكلة اني وعدت نفسي ما اشتري ميك اب بس للاسف اخلفت الوعد
باليت فايس ٣ فيه ٢٠ لون اي شادو
يجي معاها شنطة بنفس حجم الباليت
زي ما انتو شايفين علبتها مرة حلوة
الباكجنج من الاشياء اللي جذبتني فيها مرة مرة جميل
و كمان فرشة بجهتين وحدة للشادو و الثانية للدمج
الالوان متنوعة بين شمر و مات و بعضها فيها قلتر
صبغتها قوية و الوانها غريبة و متنوعة
حسيت اني احتاجها لانه كثير الوان زي هذي ما عندي
و انا مشتهية اسوي سموكي موف سارلي فترة و هذي فيها الدرجات البيرفكت
و من المدح اللي سمعتو على الباليتات اللي نزلت قبلها
قلت لازم ما افوتها
صورة واضحة للالوان
سعرها 338 ريال سعودي
موجودة لفترة محدودة في سيفورا و لو خلصت ما ترجع تنزل
كمان مريت على ماك و اخذت كم شي من سيفورا
MAC LIPLINER IN SPICE
HUDA BEAUTY LASHES IN #7 SAMANTHA
FORMULA X QUENCH CUTICLE OIL
محدد سبايس من ماك
من اكثر المحددات اللي احبها و دايما يخلص من عندي ولا الاقيه بعدها دايما سولد اوت
بالصدفة مريت ماك و شفته فاخذته
سعره 93 ريال
رموش هدى بيوتي #7
انا اعشق رموش هدى بيوتي و احب جيزيل مرة
شفت هذي اتوقع انها جديدة و تشبه لجيزيل بس انها اطول
هذا النوع من الرموش مرة يطلع طبيعي على العين و يعطي شكل حلو
سعرها 97 ريال
اتذكر اخر مرة اشتريت جيزيل كانت ب 75 ريال اتوقع رفعو اسعارهم
مرطب كوينش للكيوتكل من فورملا اكس
الصورة من الموقع نسيت اصوره
انا احب اي شي يرطب الجلد اللي حوالين الاظافر
لانه دايما جاف عندي
فاخذت هذا حسيته عملي زي المناكير و تحطيه
سعره كان ب 65 ريال
هذا كان كل شي لليوم
شكرا
No comments:
Post a Comment